Edhe sot, në ditën e fundit të aplikimit për përfitimin e granteve për të dëmtuarit e tërmetit të 26 nëntorit, qytetarët në Durrës janë përballur me radhë të gjata para prefekturës të kësaj bashkie.
Si pasojë, ka pasur mungesë të distancimit social, situatë kjo që rrezikon përhapjen e koronavirusit.
E gjitha kjo vjen në një kohë kur autoritetet shëndetësore bëjnë apel për respektim të masave parandaluese ndaj COVID-19.
Pamjet e sjella nga “Boldnews” tregojnë radhë të gjata qytetarësh, ende në pritje të aplikimit, edhe gjatë orëve të vona të kësaj të mërkure.
Për mediat, qytetarët janë shprehur se po torturohen në radhë të gjata si dhe shtojnë se janë të frikësuar nga një infektim i mundshëm me koronavirus.
Durrësi është një nga bashkitë që pati më shumë dëmtime nga tërmeti i 26 nëntorit.
