Një grua 49-vjeçare nga Kruja, ishte një nga 4 pacientët që humbi jetën në 24 orët e fundit në spitalin Infektiv në Tiranë si pasojë e koronavirusit.
Gruaja, mësohet se ishte infektuar para 3 javësh, por gjendja e saj është rënduar, duke detyruar mjekët ta shtrojnë në spitalin infektiv.
Nga raportimet mësohet se ajo punonte në një prej fasonerive të qytetit, ndërsa jetonte me familjen e saj, në një kontenier, pasi nga tërmeti i 26 nëntorit i ishte shembur banesa.
49-vjeçarja ishte nënë e 7 fëmijëve dhe ditën e djeshme mbushi 49 vjeç. Familjarët i kanë çuar një buqetë me lule, ndërsa pacientja luftonte në intubim me vdekjen.
Prej momentit të shfaqjes së pandemisë Covid-19 në Shqipëri, kanë humbur jetën 101 pacientë, ndërsa mosha më e re është 21 vjeçarja që vdiq sot.
