Koronavirusi duket se ka krijuar një mutacion, me një ngarkesë virale më e lartë se ajo e para. Kjo të paktën është pohuar nga Guvernatori i Venetos, Luca Zaia, i cili iu referua ngarkesës virale të katër serbëve të infektuar.
Analizat e kryera, sipas tij, treguan që virusi mbart një ngarkesë virale më të lartë, gjë që e bën atë edhe më të rrezikshme.
Ndërsa apeloi që të tregohet kujdes, Guvernatori i Ventos tha se nuk hiqet si mundësi që virusi të ketë pësuar mutacion.
“Në Veneto, situata është nën kontrollin absolut. Ne nuk shqetësohemi për shpërthime shtëpiake indigjene, sepse gjeneza e virusit është më pak virulente, ka një ngarkesë më të ulët virale. Kur rastet e para mbërritën nga Serbia pa i thënë asgjë askujt, unë e sekuencova virusin serb.
Virusi serb ka një mutacion që nuk e dimë, që është i njëjtë në të katër rastet që mbërritën nga Serbia, e cila kishte një ngarkesë shumë të lartë virale. Me pak fjalë, kushtojini vëmendje sepse është një gjë krejt e ndryshme nga ato që gjenden në Itali dhe jashtë saj dhe duket se, të paktën për momentin, janë më virulente”, tha guvernatori për mediat.
