Edhe një tjetër paciente e prekur nga koronavirusi ka humbur jetën në Shqipëri, duke rënduar bilancin e viktimave.
Faxnews raporton se pacientja që ka humbur jetën është një 49-vjeçare, nënë e 7 fëmijëve, e cila punonte në një fasoneri në Krujë, ku edhe është infektuar.
Deri më tani numri i personave që kanë humbur jetën si pasojë e Covid-19 ka shkuar në 98 persona, ndërkohë që ka një rritje të shtrimeve në spital, por edhe rasteve të rënda.
Një ditë më parë, Ministria e Shëndetësisë raportoi se në gjendje të rënduar ishin 10 pacientë, 5 prej të cilëve të intubuar.
