Sot luhet Napoli-Milan, Gattuso sfidon të kaluarën

Napoli pret Milanin në “Sao Paolo” në ndeshjen e vlefshme për javën e 32-të të Serie A.

Të dyja ekipet garojnë për vendin e 5-të, pasi zona Champions është shumë larg, edhe pse duhet nënvizuar që Napoli e ka siguruar vendin në grupet e Europa League me suksesin në Kupën e Italisë.

Të dyja skuadrat vinë nga një moment i mirë sepse pas pandemisë, Napoli ka grumbulluar 12 pikë në 5  ndeshje ndërsa Milani plot 13 dhe vetëm Atalanta ka bërë më mirë se kuqezinjtë.

LEXO EDHE  Sherr te Tirana, çfarë ndodhi mes Ngoo dhe Karabecit

Falë fitores së madhe me përmbysje që morën ndaj Juventusit, kuqezinjtë kanë rigjetur edhe moralin dhe shkojnë në San Paolo pa frikë për të bërë rezultat, duke mbështetur edhe te dyshja sulmuese Ibrahimovic-Rebic.

Një sfidë me emocione edhe për Gennaro Gattuson, i cili sfidon ish-skuadrën e tij, ku bëri emër si futbollist dhe si trajner.