Messi ashtu si Barcelona pas një rifillimi të vrullshëm të sezonit, tashmë duket se po ndiejnë lodhjen e ndeshjeve të njëpasnjëshme.
Kapiteni i Barcelonës nuk është në maksimumin e tij dhe numrat e tregojnë këtë gjë. Argjentinasi po shënon rrallë, triblon më pak dhe në veçanti paraqet më pak kërcënim për skuadrën kundërshtare.
Ndërkohë pas fitores së Barcelonës ndaj Valladolid mbrëmjen e djeshme, Quique Setien u pyet nëse Messi kishte nevojë për pushim. “Sigurisht”, u përgjigj ai. “E kam thënë edhe më parë, por rezultati ishte shumë i ngushtë. “Nëse do të kishim shënuar më shumë gola në pjesën e parë, ndoshta më shumë lojtarë do të kishin pushuar.”
Messi ka shënuar tre gola që nga rifillimi i sezonit, ndërsa dy prej tyre kanë ardhur nga pika e penalltisë.
