Basha: Taksa e sheshtë 9 % dhe taksim i unifikuar, ja si do t´a shndërrojmë Shqipërinë në një vend tërheqës

Kreu demokrat Lulzim Basha shprehet se me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes.

Basha thekson se vendimet tona shkojnë kundër interesave të një grushti njerëzish të lidhur me pushtetin personal të Edi Ramës, por ne do t’i marrim këto vendime për ta pastruar ekonominë nga Ramavirusi dhe për ta çliruar shumicën absolute të shqiptarëve nga depresioni dhe kriza RAMA.

Sipas tij, ekonomia nuk do të punojë për të pasuruar qeveritarët dhe klientët e tyre, por do të prodhojë mirëqenie, duke hapur vende të reja pune.

LEXO EDHE  "Testet negative Covid-19 lëshohen lehtë në Shqipëri"/ Media greke plas "bombën"

“Ndryshimin nuk ka forcë ta ndalë askush!”, shkruan Basha.

Në një postim në rrjetet sociale, Basha thekson se të punosh dhe bësh biznes në Shqipëri është një luftë e përditshme me qeverinë dhe zyrtarët e korruptuar.

“Sistemi që Ramavirusi ka ngritur për të zhvatur bizneset, u vjedh atyre 32 ditë në vit për të paguar 35 lloje të ndryshme taksash dhe tarifash.

Kjo llogari e publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje”, shprehet Basha.