Shisnin kokainë në disa rajone, shkatërrohet organizata italo-shqiptare

Një organizatë, ku përfshiheshin shqiptarë dhe itallianë, e cila vepronte në fushën e shitjes së kokainës, u shkatërrua nga policia italiane.

Organizata vepronte në Montecatini dhe në Pescara, por kishte degë edhe në provincat e Firencës, Lucca, Forli ‘, Venecia, Alessandria, Genova, Pavia dhe Modena.

Në përfundim të aksionit, u kryen 17 urdhra paraburgimi dhe 7 masa paraprake me qëndrim të detyrueshëm dhe prezantim në policinë gjyqësore.

Operacioni u krye me pjesëmarrjen e rreth 150 karabinierëve dhe mbështetjen e helikopterëve dhe njësive të qenve, me 48 kërkime në shtëpi, konfiskimin e një restoranti që ishte baza operacionale dhe dy automjete.

LEXO EDHE  Vrasja e 71-vjeçarit / Ja pista ku po heton policia

Organizata ishte e përbërë nga dy degë që përgjigjeshin drejtpërdrejt tek kreu, të cilat menaxhonin të gjithë zinxhirin e furnizimit: nga blerja e sasive të mëdha të drogës, deri te shpërndarja tek shitësit me pakicë dhe më në fund deri tek shpërndarja në shtëpi, kryesisht kokainë por edhe hashash.

Hetuesit kanë zbuluar të paktën gjysmë milioni euro të shitjes së drogës pas shitjes së rreth 6 mijë dozave të kokainës.