Pesë shqiptarë u arrestuan nga policia italiane me akuzën e shitjes së kokainës. Të arrestuarit dyshohet se kanë furnizuar sheshin Terni me rreth 3 kg kokainë në më pak se dy javë.
Ata arrinin të blinin dhe paketojnë në bazën e tyre në një shtëpi me qira lëndën narkotike, duke shitur 1 kg kokainë brenda disa ditësh.
Hetimet nisën pas një arrestimi të kryer në mars të këtij viti gjatë një kontrolli normal, ku një shqiptari iu gjet rreth 500 gr kokainë e ndarë në doza dhe 14,000 euro para të gatshme.
Aktiviteti hetimor i koduar “Karantina” për shkak të periudhës kur u zhvillua, bëri të mundur zbulimin e 5 shqiptarëve, të cilën blinin drogën në Italinë veriore dhe më pas e transportuan në Collescipoli ku, brenda një shtëpie të marrë me qira posaçërisht, ata vazhduan të paketojnë dozat duke ‘ushqyer’ drejtpërdrejt tregun e Ternit, pa ndërprerje.
Aktiviteti i paligjshëm i kryer brenda asaj shtëpie, i vendosur në një zonë të qetë dhe disi e izoluar, u monitorua nga karabinierët nëpërmjet disa kamerave që u pasuan me një kontroll ditët e fundit, ku u arrestuar 5 shqiptarët.
Atyre iu sekuestrua vetëm 300 gram kokainë, materiale për paketimin e drogës, peshore elektronike dhe pothuajse 5,000 euro. Shqiptarët kanë përfunduar në burg në Sabbione.
