Dy të rinj italianë, Domenico Manzi, 23 vjeç dhe Domenico Patruno, 31 vjeç, u dënuan nga gjykata italiane përkatësisht me 11 vite dhe 10 vjet e 8 muaj burg, pasi akuzohen për vrasjen e të riut shqiptar Viktor Picaku.
Krimi ndodhi më 1 gusht të vitit 2018 në Largo Abbazia.
Vendimi u dha nga Gjykata e Tranit me një proces të shkurtuar.
Të dy të dënuarit do të duhet të kompensojnë palët ose katër të afërmit e viktimës, duke u paguar atyre një tarifë provizore prej 20 mijë eurosh secilit, përveç pagesës së kostove gjyqësore.
Për të dy është vendosur gjithashtu ndalimi i përhershëm i punësimit në zyrat publike.
Ngjarja
Krimi ndodhi më 1 gusht të 2018, në Largo Abbazia. Në orën 9.30, siç kanë dëshmuar pamjet e kamerave të vëzhgimit, dy burra mbi një motor Vespa të zezë mbërritën në shesh dhe, brenda pak çastesh qëlluan katër herë, duke plagosur Viktorin. Plumbat e goditën në pjesën e kokës, gjoksit dhe këmbë.
Një ditë pas vrasjes, Manzi dhe Patruno përfunduan në komisariat dhe treguan vendndodhjen e armës së përdorur për këtë krim, një revolver 352, i mbajtur në mënyrë të paligjshme.
