Numri i të prekurve nga coronavirusi në Shqipëri dhe vendet fqinje, kohët e fundit ka pësuar një rritje të ndjeshme, ndërsa virusi nuk ka kursyer as futbollistat.
Pas lajmit se pesë futbollistë rezultuan pozitivë te skuadra e Partizanit, së fundmi mësohet se i infektuar me Covid-19 ka rezultuar edhe mbrojtësi i përfaqësueses së Kosovës, Mirlind Kryeziu, futbollist i Zyrihut në Zvicër.
“Mbrojtësi i qendrës së Zurichut, Mirlind Kryeziu rezultoi sot pozitiv në testin e coronavirusit. Që nga shfaqja e simptomave të buta, ai nuk ka marrë pjesë në stërvitje dhe aktualisht është në izolim në shtëpi me simptoma të lehta”, ka bërë të ditur klubi zviceran.
