Giorgio Chiellini ka lënë pas dëmtimin e rëndë që pësoi në fillim të sezonit dhe tashmë është më i motivuar se kurrë për sprintin final të sezonit 2019-2020.
Kapiteni i Juventusit, shumë afër fitimit të titulli kampion dhe kandidat për triumfin në Champions League, ka folur rreth kohës së karantinës dhe objektivit të madh të klubit italian.
“Nuk ka qenë e lehtë për të qëndruar në formë, sidomos për lojtarët e vjetër si unë. Zgjohesha herët në mëngjes dhe stërvitesh i vetëm për rreth dy orë. Më pas niste stërvitja e vërtetë, ndjekja e vajzës time në vrap.”
“Përtej shakave, karantina kishte një të mirë: qëndrimin në shtëpi me familjarët, diçka që nuk kam pasur mundësi ta bëj në 20 vitet e fundit. Mezi po presim të rifillojë Champions League. Duam t’i shkojmë deri në fund këtij kompeticioni“, deklaroi Chiellini.
