Kryetarja e LSI, Monika Kryemadhi ka zhvilluar një takim me gratë dhe vajzat e njësisë administrative numër 7 në Tiranë.
Gjatë takimit me gratë kryemadhi theksoi se sot shqiptarët janë në një aituatë të vështirë për shkak të keqqeverisjes.
Ajo theksoi se LSI ka në qendër të programit të saj fuqizimin ekonomik të gruas.
Ja postimi i Kryemadhit:
Së bashku me Klajdën dhe Erisën zhvilluam një takim me gra dhe vajza në njësinë administrative nr.7 në Tiranë, të organizuar nga Lëvizja e Gruas për Integrim, për të dëgjuar shqetësimet dhe problemet e tyre në këto kohë të vështira, si dhe për të shpalosur alternativën e LSI në mbështetje të gruas shqiptare.
Gratë dhe vajzat janë të parat që vuajnë pasojat e keqqeverisjes dhe ndjejnë peshën e rëndë të papunësisë, diskriminimit, dhunës, pamundësisë për të arsimuar fëmijët dhe për të patur një shëndetësi që i shërben familjes së tyre!
LSI ka në qendër të programit të saj fuqizimin ekonomik të gruas nëpërmjet krijimit të mundësive të punësimit, trajnimit profesional, mbështetjes së grave në sipërmarrje.
Problemet tuaja përkthehen në programin tonë! Zëri juaj është udhërrëfyesi ynë!
