Raportuesja për Kosovën në Parlamentin Europian, Viola von Cramon, akuzon presidentin serb, Aleksandër Vuçiç, për manipulim të shifrave të pandemisë.
Sipas saj, Vuçiç ka gënjyer rreth rasteve me Covid-19 para zgjedhjeve për përfitime elektorale.
“Duket se Vuçiç gënjeu rreth numrave të Covid-19 për të pasur ”zgjedhje” të qeta. Ai nuk mund të fshihet pas shtimit të rasteve të reja dhe njerëzit e dinë se për të, pushteti ishte më i rëndësishëm se shëndeti”, tha ajo.
Von Cramon komentoi dhe protestat në Beograd kundër masave të reja kufizuese dhe dënoi dhunën brutale të policisë.
