Kryetari i PD-së Lulzim Basha tha sot se me rritjen e borxhit publik në 80% të PBB, ekonomia po merr goditje fatale.
“Sot gjysma e shqiptarëve janë pa punë dhe mbijetojnë në kufirin e varfërisë”, tha Basha.
“Shqiptarët kanë mundësi të jetojnë më mirë dhe të kenë më shumë. Shqiptarët kanë nevojë për një qeveri që ua lehtëson barrën e taksave dhe që rrit punësimin dhe investimet. Shqiptarët meritojnë një qeveri të përgjegjshme dhe serioze e cila nuk do t’i lërë më në mëshirën e fatit, por do t’ju bëhet krah në ditët e tyre më të vështira. Ne për këtë po punojmë sepse ditë më të mira do të vijnë për të gjithë ne”, u shpreh kryetari i Partisë Demokratike në një reagim të sotëm.
