Policia italiane ka lëshuar 7-urdhër arresti për një grup të strukturuar kriminal, i përbërë nga shqiptarë dhe italianë.
Të arrestuarit merreshin me trafikimin dhe shpërndarjen e lëndëve narkotike kryesisht kokainë. Grupi drejtohej nga një shqiptar dhe punët ishin të ndara për çdo anëtarë të bandës, raporton policia Italiane.
Për 4 nga të arrestuarit janë bërë publike vetëm inicialet e tyre, M.B 27 vjec, M.K 36 vjec dhe T.I 29 vjec të cilët kryenin rolin e transportuesit të drogës dhe C.L 36 vjec që dyshohet si koka e grupit.
Gjatë arrestimit janë sekuestruar armë dhe fishekë luftarak që banda i mbante me vete kur lëvizte .
“Qytetet kryesore ku ata operonin ishin Martinsicuro dhe Alba Adriatica, ndërsa të ardhurat janë përdorur në pasuri të paluajtshme në Shqipëri”, thuhet në deklaratën e policisë dhe njësisë speciale Anti-Mafia Italiane.
