Një 53-vjeçar është gjetur i pajetë në rezervuarin e Sellcave në Devoll këtë të Martë.
“Ditën e sotme, në mëngjes, afër qytetit të Bilishtit, në vendin e quajtur ‘Rezervuari i Sellcave’, dyshohet të jetë mbytur aksidentalisht shtetasi A. A., rreth 53 vjeç, banues në Bilisht”, njoftoi policia.
Grupi hetimor po punon për zbardhjen e rrethanave të ngjarjes, shtuan të njëjtat burime.