Chelsea kryeson garën për të nënshkruar me yllin e Bayer Leverkusen, Kai Havertz.
“Goal” zbulon se disa klube të mëdha janë tërhequr nga përpjekjet e tyre për të siguruar firmën e 21-vjeçarit, pasi çmimi prej 100 milionë i vendosur nga klubi shihet si shumë i lartë, veçanërisht pas impaktit negativ që ka pasur pandemia e coronavirusit në financat e klubeve.
Chelsea për shkak dënimit të marrë nga UEFA, nuk realizuan asnjë transferim gjatë vitit të kaluar ndërsa diçka të tillë kanë ndërmend ta realizojnë këtë vit. Kai Havertz shihet si lëvizja e duhur për “Blutë” të cilët kanë në përbërjen e tyre disa futbollistë të rinj mjaft premtues për të ardhmen.
Gjithsesi për një largim të mundshëm të Havertz nga skuadra ka folur drejtori sportiv i Bayern Leverkusen, Rudi Voller, i cili ka deklaruar se nuk do të nxitohen në shitjen e talentit të tyre.
“Nuk ka asgjë konkrete. Deri më tani, ai është lojtari ynë”, tha Voller për Bild. “Ne kemi idetë tona, ne e dimë talentin e Havertz. Unë personalisht shpresoj që ai të qëndrojë edhe një vit. Edhe nëse ai largohet do të bëhet pasi ne të kemi marrë ofertën e duhur për të.”