Kampionët e saposhpallur të Bundesligës dhe Kupës së Gjermanisë, Bajerni i Mynihut, është në kërkim të një mbrojtësi krahu.
Me transferimin e Henriks nga Monako te Leipzig, bavarezët duhet të shohin për dikë tjetër. Në horizont është ylli i Arsenalit, Hektor Belerin. 25-vjeçari nuk kërkon të rinovojë me “Topçinjtë” e Londrës pasi është i interesuar për një aventurë të re. Juventusi dhe PSG-ja kanë hyrë me kohë në garë për spanjollin, por tani duket se edhe kampionët e Gjermanisë duan shërbimet e tij.
Një tjetër objektiv është edhe talenti i Ajaksit, Serxhino Dest, i cili është vetëm 19 vjeç. Lojtari me pasaportë amerikane është rritur te shkolla e Ajaksit dhe është ndjekur me vëmendje nga skautët e Bajernit. Kujtojmë që nga skuadra e Bayern pritet të largohet David Alaba, i cili ka refuzuar rinovimin me bavarezët.
