18500 euro janë sekuestruar në Rinas dhe një shtetase e cila nuk i kishte deklaruar partë, është proceduar nga policia.
46-vjeçarja, poseduesja e shumës së eurove akuzohet për veprën penale Penal “Mosdeklarimi në kufi i të hollave dhe sendeve me vlerë”.
“Shërbimet e Policisë, në dalje të RSH-së, në aeroportin e Rinasit, pas analizës së riskut, kanë ndaluar shtetasen F. Ç., 46 vjeçe, banuese në Tiranë, e cila kishte kaluar zonën e skanerit. Gjate kontrollit fizik, punonjësit e Policisë Kufitare të Rinasit i kanë gjetur në çantën e dorës 18500 euro, të padeklaruara në degën e doganës Rinas. Në përfundim të veprimeve shtetasja F. Ç. u procedua penalisht në gjendje të lirë, për veprën penale ‘Mos deklarimi në kufi i të hollave dhe sendeve me vlerë’”, njoftoi policia.
