Najada Çomo, shefe e Infektivit, u shpreh mbrëmjen e sotme në emisionin “Open” se aktualisht koronavirusi është më i rrezikshëm për shkak të temperaturave të larta.
Çomo tha se të gjitha lajmet se virusi do të ikë në prill, maj apo me rritjen e temperaturave, u rrëzuan, pasi ne sot jemi në temperatura të larta, dhe kemi një shtim të rasteve, madje të rënda.
“Temperaturat e larta bëjnë që individët të lodhen, të kenë probleme më të mëdha me frymëmarrjen, me rritjen e temperaturave.
Ajo që sot po vërejmë është se Covid-19 nuk po prek vetëm moshat e vjetra, por edhe mosha të reja, madje në gjendje të rëndë. Madje kemi pacientë që kanë humbur jetën pa pasur sëmundje bashkëshoqëruese”, tha ajo.
Çomo u shpreh se nëse mbahen maskat, dhe të jenë higjenike, atëherë mund të mbrohemi nga Covid-19.
“Maskat mbahen për të mbuluar hundën, jo gojën. Mjafton që të jetë një maskë, e cila duhet të jetë higjenike. Nuk ka rëndësi nëse është maskë profesionale ose jo, maska të jep probleme me frymëmarrjen në fillim, por të mbron”, tha ajo.
