Reperi i njohur Kanye West, njëkohësisht bashkëshorti i Kim Kardashian, deklaroi në Twitter kandidaturën e tij për t’u bërë presidenti i ardhshëm i Shteteve të Bashkuara të Amerikës.
“Tani duhet të realizojmë premtimin e Amerikës duke i besuar Zotit, duke unifikuar vizionin dhe duke ndërtuar të ardhmen tonë,” shkroi ai. “Unë do të kandidoj për president të Shteteve të Bashkuara të Amerikës”.
Postimi i Kanye-s u shoqërua me hashtagun #2020VISION. Duke marrë parasysh që zgjedhjet e ardhshme të SHBA-së janë më 3 nëntor, shpallja e kandidaturës katër muaj para është e paqartë nëse është shaka apo Kanye e ka seriozisht. Po kështu afati zyrtar për të shpallur kandidaturën e pavarur ka përfunduar në disa shtete.
Kujtojmë që kjo nuk është hera e parë që reperi flet për dëshirën për t’u bërë president i SHBA-së. Dëshira për t’u bërë president i Shteteve të Bashkuara të Amerikës është kaq e madhe, sa West po kandidon kundër politikanit të tij të preferuar, Donald Trump.
