Mjekja e njohur onkologe, Silvana Çeliku, i është drejtuar me një apel të fortë qytetarëve që të respektojnë masat anti-Covid dhe të mbrohen nga koronavirusi.
Ajo thekson se si mjeke onkologe ka luftuar për jetën e shumë pacienteve për vite të tëra.
“Jam gëzuar shpesh kur kemi fituar këtë betejë, por edhe jam mërzitur shumë kur kam patur humbje jete, me këtë virus qenka ndryshe.
Ky është një virus me sëmundshmëri shumë të lartë, me vdekje të shpejtë dhe shumë të dhimbshme.
Shpesh i bëj pyetje vetes, më falet mua të vdes nga një grip? Unë them jo, ne nuk dimë shumë gjëra për këtë virus, por dimë si të mbrohemi.
Respektoni rregullat dhe së bashkë të mundohemi edhe një herë ta mposhtim këtë virus”, thekson mjekja e njohur, ndërsa këshillon mbajtjen e maskës, ruajtjen e distancës dhe mbajtjen e higjenës vetjake.
DENONCO