Avokati i njohur Altin Goxhaj, përmes një postimi në rrjetet sociale, shprehet se arsyeja dhe ndjeshmëria e tij pro Donald Trump vjen nga fakti se ai është Kreu i Lëvizjes Botërore për Sovranizëm, Liri dhe Demokraci kundër Diktaturës Fashisto-Komuniste Globaliste të Shoqërisë së Hapur.
Sipas Goxhajt, Soros kërkon të zhysë Planetin në një epokë mesjetare (vetëm George Orwell e ka përshkruar qartë në veprën e tij madhore didaktike “/1984”)!
“Duan të na bëjnë të heshtim. Por ne nuk do të heshtim kurrë!
Një prej armëve politike të së majtës është shantazhi dhe gjykimi, ky sulm që po i bëhet lirisë sonë duhet të ndalet dhe do të ndalet!
Në shkollat tona, në Media dhe në kompanitë ku punojmë është injektuar një fashizëm i majtë që kërkon nënshtrim të plotë prej gjithkujt, nëse nuk bindesh dhe nuk nënshtrohesh, përndiqesh dhe ndërshkohesh, por kjo nuk do të ndodh kurrë me ne.
Nuk shantazhohemi nga njerëz të këqinj. Nuk mund të shantazhohemi prej të Ligut”, poston Goxhaj në rrjetet sociale.
