U vetëflijuan për t’u ringjallur, nënë e bijë përcillen sot në banesën e fundit

Zhaneta dhe Anisa Josifi të cilat tronditën opinionin publik me historinë e tyre, do të përcillen sot për në banesën e tyre të fundit, në varrezat e Përmetit.

Nënë e bijë u vetëflijuan në banesën e tyre pasi qëndronin pa ngrënë duke tentuar vetëvrasjen, me qëllim ringjalljen. Trupi i Zhaneta Josifit, 56-vjeç dhe vajzës së saj, Anisa, 30 vjeç do të prehen pranë kryefamiljarit të familjes, Llukmanit, i cili disa vite më parë kishte ndërruar jetë.

Ndërkohë vajza tjetër, e mbijetuara e vetme e familjes, Blerta nuk do të marrë pjesë në lamtumirën e fundit të familjes. Pasi u gjet ende me shenja jete në banesën e saj, Blerta u dërgua në spital për të marrë ndihmën e parë mjekësore, dhe më pas u transferua tek reparti i psikiatrisë.

LEXO EDHE  Gruaja merr vajzën 2 vjeçare dhe ikën nga shtëpia, burri kërkon ndihmën e policisë

Ngjarja u denoncua nga daja i vajzave i cili u shqetësua për shkak se e motra nuk i kishte hapur telefonin. Pas mësymjes së policisë në banesë u zbulua edhe ngjarja e rëndë.

Policia po heton disa shënime fetare që u gjetën në banesë, të cilat dyshohet se i kanë shtyrë vajzat dhe nënën e tyre drejt këtij vendimi të rëndë.