Për legjendën e Spanjës nuk ka dyshime, Messi apo Ronaldo? Mos i krahasoni, Leo është tjetër gjë!

Andres Iniesta që ka kaluar një karrierë të tërë përkrah Messit,  nuk ka dyshime se argjentinasi është superior krahasuar me rivalin e tij Cristiano Ronaldo.

Duke folur për Corriere dello Sport spanjolli ka thënë: “Shumë gjëra janë thënë për Leon, ai është numër 1 për mua sepse ka gjithçka: driblimin, sakrifikimin për ekipin, sensi i skuadrës, gola, arrin të jetë vendimtar praktikisht në të gjitha ndeshjet dhe prej vitesh”.

“Kurrë nuk kam parë një lojtar kaq të vendosur dhe të fortë. Nëse Messi është numër 1, Cristiano është 2? Leo është i ndryshëm. Të gjithë kanë shijet e tyre: na pëlqen të bëjmë krahasime, por për mua nuk janë të krahasueshëm! Edhe nëse shënojnë praktikisht të njëjtin numër golash”.

LEXO EDHE  Sherr te Tirana, çfarë ndodhi mes Ngoo dhe Karabecit