Spanja ka përjetuar 17 vdekje nga Covid-19 në 24 orët e kaluara, bilanci më i lartë ditor që nga 19 qershori.
Përditësimi vjen ndërsa shumë spanjollë po përgatiten të shkojnë me pushime, teksa vendi do të rihapë kufijtë e tij nesër për udhëtarë nga 12 vende jashtë Bashkimit Europian.
Spanja kishte hapur më 21 qershor, edhe kufijtë e saj me vendet e BE-së.
Ministria e Shëndetësisë tha se kishte forcuar praninë e saj në aeroportet spanjolle për të kontrolluar udhëtarët që vijnë nga jashtë vendit, me një shtesë prej 650 punonjësish që i janë bashkuar 600 të tjerëve që tashmë janë aktivë.
