Leroy Sane lojtar i Bayern Munich, ja detajet e transferimit

Bayern Munich ka nënshkruar me anësorin e Manchester City-t Leroy Sane. Bavarezët i kanë ofruar gjermanit një kontratë 5-së vjeçare, ndërsa në arkat e klubit anglez do të shkojnë rreth 60 milionë euro përfshirë këtu edhe bonuset.

Një transferim që ishte kthyer në çështje kohe pasi prej kohësh vetë Pep Guardiola kishte pranuar se lojtari refuzonte rinovimin me klubin anglez.

Fillimisht drejtuesit e Man.City-t i kishin vendosur futbollistit një klauzolë  prej 100 milionë eurosh por dëmtimi i rëndë që 24-vjeçari pësoi në Superkupën e Anglisë, në “Wembley” me Liverpoolin, bëri që kjo kërkesë e “Qytetarëve” të mos ishte realiste.

LEXO EDHE  Dy largime në një ditë, Partizani nis spastrimet

Gjatë periudhës katër vjeçare me Manchester City-n, Sane ka zhvilluar 135 ndeshje duke shënuar 39 gola, ndërsa është asistuesi i dytë më i mirë në Premier League pas Kevin De Bruyne duke filluar nga sezoni 2017-2018.