Zinedine Zidane ka folur për vendimin e Real Madrid për të shitur Achraf Hakimi te skuadra e Interit.
Mbrojtësi maroken, i ka kaluar dy sezonet e fundit në formë huazimi te skuadra e Borussia Dortmund, ndërsa tashmë është pranë kalimit te Interi për 45 milionë euro.
Kjo lëvizje ka shqetësuar fansat e “Los Blancos”, pasi 21-vjeçari shkëlqeu me verdhezinjtë duke treguar potencial të madh. Gjithsesi, Zidane, mendon se nga vendimi i klubit përfitojnë të gjitha palët.
“Hakimi është akoma lojtari ynë, por çdo gjë mund të ndryshojë në ditët në vijim. Ai përjetoi një sezon mjaft të mirë në Bundesliga, por Real Madrid me shitjen e tij ka në mendje dy gjëra, aspektin ekonomik dhe atë sportiv.”
“Jam i interesuar për situatën e Hakimit, por është diçka që e vendos klubi. Në këtë proces janë të përfshirë klubi, lojtari dhe trajneri.”
