Sulmuesi Nigerian, Victor Osimhen, pritet të jetë blerja e parë e verës për skuadrën e Napolit dhe njëkohësisht më e shtrenjta në histori.
Për kartonin sulmuesit të Lille, mediat italiane zbulojnë se Aurelio De Laurentiis, do të shpenzojë plot 50 milionë euro.
Osimhen ka mbërritur sot në Napoli, ku është pritur nga vetë Genaro Gattuso, pasi ishte pikërisht tekniku kalabrez që e telefonoi personalisht për ta bindur të pranojë transferimin, gjatë kohës së ndërprerjes së futbollit për shkak të pandemisë.
Mësohet se 22-vjeçar do të nënshkruajë një kontratë 5 pesë vjeçare nga ku do të përfitojë rreth 2.5 milionë euro në sezon.
Kujtojmë që deri tani blerja më e shtrenjtë e Napolit, ka qenë meksikani Hirving Lozano, për të cilin u paguan 42 milionë euro një vit më parë për ta marrë nga PSV Eind’hoven.
