Ylli Manjani, ish-ministër i Drejtësisë, i ka kërkuar Prokurorit të Përgjithshëm, të sqarojë shqiptarët nëse Kryeministri Edi Rama, ka qenë ose jo i dënuar, ashtu siç deklaron dhe pretendon Gjergji Thimo.
Reagimi i Manjanit në rrjetet sociale, ka ardhur pasi mbrëmjen e djeshme, në emisionin A-Show, Thimo tha se Edi Rama ka qënë i dënuar në vitin 1993 në Paris për vjedhje ikonash. Thimo theksoi se është i gatshëm të përballet e me drejtësinë për këtë fakt. Ai publikoi edhe numrin e dosjes.
Ish-ministri i Drejtësisë shkruan se ka një ligj që ka vepruar për persona të tjerë në politikë, që kanë qenë të dënuar dhe fshiheshin në politikë, dhe ky ligj duhet të veprojë edhe për kryeministrin, për sa u përket verifikimeve nëse ka qenë apo jo i ndaluar, arrestuar apo dënuar në Francë.
Reagimi i Ylli Manjanit
Gjergji Thimo pranon të burgoset për këtë fakt.
Jep një numër burgu në Francë që e lidh me Edi Ramën.
Insiston për këtë gjë!
A mundet që Prokurori i Përgjithshëm të sqarojë shqiptarët nëse Kryeministri i sotëm ka qenë apo jo i ndaluar, arrestuar apo dënuar në Francë?!
Ka një ligj që ka vepruar për persona të tjerë në politikë, që kanë qenë të dënuar dhe fshiheshin në politikë.
Pse nuk verifikohet Edi alias Edvin Rama?!! Nuk po kërkojmë të verifikojë Edi alias Mustafa Ramën… (te shëndeti nuk ndërhyjmë dot).
Kush më shumë se Ai duhet ti nënshtrohet verifikimeve ligjore?!
Publikut ja ka borxh Prokurori i Përgjithshëm një të sqarim mbi këtë denoncim konkret, me numër burgu madje.
