Një këmbësor mbeti i plagosur rëndë, si pasojë e një aksidenti, ndërsa ndërroi jetë rrugës për në spital, Ngjarja kka ndodhur në Vlorë, në lagjen “10 korriku”, ku një automjet tip “BMW” me targa AA 469 SV, përplasi këmbësorin.
I plagosuri është transportuar me urgjencë për mjekim në spital, por si pasojë e plagëve të marra ka ndërruar jetë rrugës.
Policia ka shoqëruar drejtuesin e mjetit për marrjen në pyetje.
Nga raportimet mësohet se këmbësori po kthehej në banesë, ndërsa kishte bërë pazarin.
Njoftimi i policisë:
Vlorë/Informacion paraprak
Rreth orës 07:50, në lagjen “Ujë i Ftohtë” në rrugën e unazës, automjeti tip BMV me drejtues shtetasin K.I ka goditur aksidentalisht këmbësorin Q. L., 75 vjeç, banues në Vlorë, i cili është transportuar në Spitalin Rajonal në gjende të rëndë dhe më pas ka ndërruar jetë.
Policia ka shoqëruar drejtuesin e mjetit, shtetasin K.I., 35 vjeç, banues në Vlorë, me të cilin po punohet për sqarimin e rrethanave të ngjarjes.
Grupi hetimor po kryen veprimet e mëtejshme në lidhje me aksidentin.
