Stefano Pioli, trajneri i Milanit, para ndeshjes me SPAL ka dalë dhe ka folur para medieve për këtë përballje, sfidat që i presin në vazhdim dhe për emra të përveçëm në skuadrën kuqezi.
“Kemi një tur force, që është shumë i rëndësishëm. Janë edhe 30 pikë në dispozicion. Duhet të jemi të përqendruar.
Ata që futen në lojë do të jenë vendimtarë në çdo ndeshje dhe fakti që kemi pesë zëvendësime na jep ne më shumë mundësi. Nuk jemi të lumtur me pozicionin tonë në tabelë, pasi jemi një ekip që mund të mundim këdo”, tha fillimisht Pioli.
Më pas ai kaloi tek emrat e përveçëm: “Ibrahimovic po bën shumë mirë në aspektin psikologjik. Ai është një luan. Ditën e djeshme zhvilloi një seancë stërvitore shumë të mirë. Nëse e bën edhe sot dhe më jep një sinjal, atëherë do ta hedh në fushë në Ferrara.”
