Mkhitaryan-Roma, palët zgjasin bashkëpunimin edhe për një sezon

Roma ka zyrtarizuar arritjen e marrëveshjes me mesfushorin Henrikh Mkhitaryan.

Klubi italian ka dalë me një njoftim dhe bën me dije se është arritur marrëveshja për zgjatjen e huazimi, si dhe ka një akord për qëndrimin e armenit edhe për sezonin e ardhshëm.

Vetë Mkhitaryan ka deklaruar: “Jam shumë i kënaqur dhe i lumtur që e zgjas qëndrimin këtu. Kam ende gjëra që nuk i kam arritur dhe dua t’i arrij. Mezi pres të vazhdoj të luaj”.

Mkhitaryan iu bashkua Romës në formën e huazimit nga skuadra e Arsenalit më 2 shtator 2019 dhe paraqitjet e mesfushorit kanë qenë të mira në Serie A, teksa ka shënuar 6 gola dhe ka shërbyer 4 herë për shokët e skuadrës.

 

LEXO EDHE  Ndryshon orari i ndeshjeve të Superiores, ja programi për javën e 32-të