Ish-mbrojtësi i Liverpool-it, Andre Wisdom, është goditur me thikë gjatë një sulmi dhe tentative vjedhjeje.
27-vjeçari i cili aktualisht është pjesë e Derbit në Championship, u sulmua në Toxeth teksa kishte shkuar për të vizituar familjen e tij, pas fitores kundër Reading në fundjavë me rezultatin 2-1.
Lajmin e ka konfirmuar klubi anglez, ku thuhet se pas disa goditjeve të marra me thikë futbollisti është shtruar në spital jashtë rrezikut për jetën.
Wisdom iu bashkua Liverpulit në vitin 2008 në moshën 14-vjeçare, pasi kishte dalë nga akademia e të rinjve Bradford City. Ai debutoi për Liverpulin në vitin 2012, kur i kishte bërë 19 paraqitje dhe e kishte shënuar një gol para se të fillonte një periudhë të gjatë huazimi deri te shitja përfundimtar te Derby në vitin 2017.
