Ndahet nga jeta në spitalin Infektiv mjeku hematolog, Arjan Pushi, i infektuar me Covid-19.
Ministria e Shëndetësisë njofton me hidhërim të thellë ndarjen nga jeta të profesorit të Fakultetit të Mjekësisë Arjan Pushi, i cili, referuar shërbimit infektiv, ndërroi jetë pak momente më parë në spitalin Infektiv, i prekur nga COVID19, pavarësisht përpjekjes maksimale të stafit mjekësor.
Prof. Arjan Pushi ka patur një karrierë të spikatur në fushën e hematologjisë dhe ka përgatitur shumë breza studentësh të Mjekësisë.
Ministria e Shëndetësisë i shpreh ngushëllime famljarëve dhe miqve të profesor Arjan Pushit.
Pushi është viktima e 4 në 24 orët e fundit si pasojë e Covid-19. Në total numri i personave që kanë humbur jetën nga Covid-19 ka shkuar në 63 persona.
