Gjykata e Kurbinit ka caktuar masën e sigurisë “arrest me burg” për Ilir Xhepajn, i akuzuar si bashkëpunëtor në vrasjen e dy biznesmenëve, në Laç.
Ilir Xhepaj akuzohet për vrasjen e Bujar Likës dhe Paulin Gjergjit, të cilët humbën jetën në një atentat në hollin e një hoteli mbrëmjen e 30 majit.
Nga hetimet rezultoi se në vrasjen e dy biznesmenëve Paulin Gjergji dhe Bujar Likaj, morën pjesë katër persona, ndërsa Eduart Lamaj dyshohet si atentatori kryesor, i arrestuar tashmë nga policia.
Dyhsohet se Xhepaj ka mbajtur të neutralizuar dy djemtë e njërit prej viktimave, duke mos i lejuar ata të dalin nga makina e tyre “Range-Rover”, ndërsa ndaj babait organizohej vrasja brenda hotelit.
Gjatë vrasjes, Eduart Lamaj, autori kryesor i krimit mbeti i plagosur me armë pas reagimit nga ana e njërit prej viktimave.
Ka qenë sërish Xhepaj bashkë me të kërkuarin tjetër, Elson (Oltion), Alija (Vlashi), që kanë hyrë brenda dhe kanë nxjerrë të plagosurit prej andej, për tu zhdukur më pas.
Xhepaj konsiderohet si person me rrezikshmëri të lartë në Mamuras dhe Kurbin. Ai është nga fshati Gjorm, i Mamurasit.
Xhepaj kishte vetëm tre muaj që ishte liruar nga burgu dhe jetonte mes Tiranës, Laçit dhe Lezhës. Ai ishte dënuar për një grabitje me armë në vitin 2012 në Kurbin, e po ashtu për një plagosje në Fushë-Krujë.
