Sërish shifra alarmante në Prishtinë, 444 raste aktive me koronavirus

Bujar Gashi, Drejtori i Shëndetësisë në Prishtinë, në një status në rrjetin social Facebook, shprehet se momentalisht në kryeqytet janë 444 persona  aktivë me koronavirus.

“Që nga 20 marsi, në Prishtinë janë konfirmuar 588 raste pozitive me COVID-19.

Bazuar në të dhënat e marra nga IKSHP dhe raportin e konsoliduar nga Shtabi Emergjent në Prishtinë del se momentalisht, që nga data 20 Mars deri sot kemi 588 raste me #covid19, prej të cilave 444 raste janë ende aktive.

Kemi 141 raste të shëruara dhe 3 raste që kanë përfunduar me fatalitet”, shkruan ndër të tjera ai.

Statusi i plotë:

Qytetarë të nderuar,
Kohëve të fundit jemi dëshmitarë të rritjes së shpejtuar të rasteve me #covid19 në vend e në veçanti në Prishtinë.

LEXO EDHE  E tmerrshme/ Qindra harabela bien nga qielli në Podgoricë

Bazuar në të dhënat e marra nga IKShP dhe raportin e konsoliduar nga Shtabi Emergjent në Prishtinë del se momentalisht, që nga data 20 Mars deri sot kemi 588 raste me #covid19 prej të cilave 444 raste janë ende aktive. Kemi 141 raste të shëruara dhe 3 raste që kanë përfunduar me fatalitet.
Statistikat tregojnë se nga totali prej 588 rasteve janë 293 femra dhe 295 meshkuj.

Prandaj, ju bëjmë thirrje që të i zbatoni të gjitha udhëzimet për masat mbrojtëse kundër #covid19. Mbajtja e distances fizike dhe e maskës, si dhe higjiena e duarve ndihmon në parandalimin e përhapjes së virusit.
E kemi obligim që të mbrojmë veten dhe të tjerët rreth nesh!