Dy persona humbën jetën në Spitalin Infektiv, në 24 orët e fundit, të prekur me Covid-19.
Sipas Ministrisë së Shëndetësisë, viktimat janë një 78 vjeçare nga Tirana, e transferuar nga një spital jo publik dhe një 83-vjecar nga Durrësi.
“Në 24 orët e fundit, referuar shërbimit infektiv, një paciente 78 vjeçare nga Tirana, e transferuar nga një spital jopublik, ka ndërruar jetë në spitalin infektiv, megjithë trajtimin intensiv në reanimacion dhe një pacient 83 vjeçar nga Durrësi, në terapi intensive, i cili vuante nga hipertensioni. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve”, tha Eugena Tomini.
Numri i personave që kanë humbur jetën në Shqipëri, referuar shifrave zyrtare, nga Covid-19, ka arritur në 58 persona. Vetëm javën e fundit kanë humbur jetën 12 pacientë.
