Kanë përfunduar dy sfidat e orës 17:00 në Kategorinë Superiore. Kukësi ka marrë një fitore të vuajtur 1-0 kundër Bylisit.
Golin e fitores për verilindorët e shënoi Shkurtaj me penallti në minutën e 37-të. Me këtë fitore Kukësi lë pas humbjen ndaj Laçit dhe shkurton diferencën më Tiranën në 6-të pikë.
Ndeshja mes Vllaznisë dhe Teutës e luajtur në “Loro Boriçi” nuk u mbyll aspak mirë nga shkodranët. “Djemtë e Detit” fituan me rezultatin e thellë 0-3 duke u ngjitur në vendin e tretë në kuotën e 50 pikëve.
Fillimisht shënoi Kallaku në minutën e 16-të me penallti, ndërsa Lorenco Vila, realizoi një supergol në të 83-ën, për të çuar shifrat në 0-2. Tre minuta më vonë, tjetër penallti për Teutën, që u shndërrua në gol nga Aleksi.
