Bundesliga mbyll sot sezonin, Werder-i i Rashicës diskuton mbijetesën

Sezoni 2019-2020 i Bundesligës mbyllet sot pasi të gjitha skuadrat zbresin në fushën e lojës për të luajtur javën e 34-t.

Kështu ndërsa Bayern Munich tashmë ka siguruar titullin e kampionit, një luftë e madhe është duke u bërë për mbijetesë.

Dusseldorfi i Valon Berishës ose Werder Bremeni i Milot Rashicës do të jenë skuadrat që do të zbresin një kategori më poshtë.

Fortuna Dusseldorf, renditet në vendin e 16-të, dhe luan në transfertë ndaj Union Berlin, ndërsa Werder Bremeni i Milot Rashicës, pret në shtëpi Koln-in. Fati i Ëerderit nuk është vetëm në duart e saja, pasi në rast fitoreje të Dusseldorfit, atëherë fitorja e Ëerderit nuk do të ndryshonte asgjë.

LEXO EDHE  Merkato në Kategorinë Superiore, ja si kanë ndryshuar 10 skuadrat

Për sa i përket luftës për një vend në Kupat e e Europës, vendi i fundit që të kualifikon në Ligën e Kampioneve do të diskutohet nga Monchegladbach dhe Leverkusen.

Aktualisht Monchegladbach renditet në vendin e katërt në kuotën e 62 pikëve, ndërsa sot luan në shtëpi ndaj Herthës së Berlinit. Nga ana tjetër Bayern Leverkusen gjenden 2 pikë prapa ndërsa përballen me Mainz-in.

Kështu Monchegladbach i mjafton një barazim për të siguruar vendin në Champions, ndërsa Leverkusen ka detyrim fitoren kombinuar me një dështim të rivalëve.

Të gjitha ndeshjet luhen duke filluar nga ora 15:30.