Ministria e Shëndetësisë konfirmoi sot një rast të ri me koronavirus në Librazhd. Burime për abcnews.al bëjnë të ditur se i infektuari i ri është babai i 34-vjeçares nga Qukësi që humbi jetën tek spitali Infektiv.
Mësohet se tamponi u është marrë të gjithë familjarëve të viktimës dhe ka rezultuar pozitiv vetëm babai.
Ndërkohë, testi do u nënshtrohet edhe edhe personave që kanë qenë në varrimin e 34-vjeçares.
Ajo është viktima më e re nga koronavirusi në vendin tonë. Ministria e Shëndetësisë njoftoi se kishte disa sëmundje bashkëshoqëruese, ndërsa prej disa ditësh kishte qenë e intubuar.
