Çmimi i naftës ra të enjten pasi të dhënat e industrisë dhe infeksionet në rritje koronavirus shkaktuan një tronditje në tregun e mallrave.
Depozitat në SHBA grumbulluan 1.75 milion fuçi në javën që përfundoi më 19 qershor, duke e çuar totalin në 545 milion fuçi, sipas një raporti të Institutit Amerikan Petroleum. Ekonomistët pritnin një rritje prej vetëm 299,000 fuçi.
Ky grumbullim më i madh se sa pritej, kërcënon të përmbytë tregun me naftë të padëshiruar pasi kërkesa mbetet shumë poshtë niveleve të para-virusit. Ky trend gjithashtu i bënë jehonë precedentit kur çmimet e naftës shkuan nën zero për shkak të mbiprodhimit dhe mbidepozitimit.
Rritjet e infeksioneve COVID-19 në të gjithë SHBA ‘mërzitën‘ më tej investitorët. Një valë e dytë koronavirus mund të ulë më tej kërkesën e naftës ndërsa masat e bllokimit mund të rikthehen.
Frika për një konflikt i ri tregtar gjithashtu ndikoi në çmimin e naftës. Shtëpia e Bardhë po peshon tarifa të reja në vlerë 3.1 miliard dollarë të eksporteve nga Britania e Madhe, Franca, Spanja dhe Gjermania, sipas një njoftimi të martën vonë. Çdo ngadalësim në tregtinë globale do të tronditi së tepërmi tregun e naftës./SCAN
Burimi: Business Insider
