Pedro largohet nga Chelsea dhe do të bashkohet me Romën në fundin e sezonit.
Kontrata e 32-vjeçarit me “Blutë” skadonte më 31 qershor, por palët kanë arritur një marrëveshje që bashkëpunimi mes tyre të zgjatet deri në fundin e këtij sezoni.
Kështu spanjolli do të jetë pa kontratë në fund të muajit korrik dhe verdhekuqtë janë në fazën finale për ta sjellë lojtarin në kryeqytetin italian me parametra zero.
Spanjolli u bashkua me klubin anglez në vitin 2015 nga skuadra e Barcelonës për 27 milionë euro.
Që nga ajo kohë, sulmuesi ka shënuar 43 gola në 201 ndeshje. Ai arriti të fitonte Premier League në vitin 2017, Fa Cup një vit më pas dhe Europa League në sezonin 2018-2019.
