Kryetari i Kuvendit, Gramoz Ruçi, njoftoi sot se në 30 qershor do të nisë mbledhja e parë e Këshillit të Legjislacionit për të diskutuar gjatë gjithë muajit korrik kërkesën e opozitës parlamentare për ndryshimin e sistemit.
Sipas Ruçit, çështja e sistemit zgjedhor është problem kushtetues dhe nuk e ka tagër ky komision të ndryshojë kushtetutën, por ka vetëm Kodin.
“Sistemi është problem kushtetues, nuk e ka tagër ky komision të ndryshojë kushtetutën, ka vetëm Kodin.
Sa i përket transparencës së procedurës, e vetmja nisëm është firma e 28 deputetëve që ju i anatemuat, që sipas rregullores së Parlamentit në datën 30 qershor starton mbledhja e parë dhe do vazhdojë gjatë gjithë muajit Korrik.
Jeni të ftuar të jepni mendimet. Komisioni i reformës elektorale ka punë vetëm me Kodin Elektoral jo me sistemin. Ai është target kushtetues dhe ka procedura të tjera, e keni institucionalizuar në datën 15, në datën 30 që plotëson fiks dy javë zhvillohet mbledhja e parë e Këshillit të Legjislacionit dhe komisionit të Ligjeve”, tha Ruçi.
