Alma Kolgjoka, kryetare e Gjykatës së Krujës, u konfirmua sot në detyrë nga Kolegji i Posaçëm i Apelimit.
Ajo arriti të bindë trupën gjykuese se pasuria e babait të saj nuk kishte lidhje me gjendjen e saj financiare.
Kolgjoka u konfirmua në detyrë nga Komisioni i Posaçëm i Kualifikimit në vitin 2018 pasi u gjykua se pasuria e saj në formën e kursimeve në masën 2.7 milionë lekë ishte tërësisht e shpjegueshme me nivelin e saj të të ardhurave.
Por në janar 2019, komisioneri publik Dariel Sina e konsideroi hetimin e KPK të paplotë dhe ngriti pikëpyetje mbi pasurinë e prindërve të gjyqtares, një apartament me sipërfaqe 141 metra katrorë në Tiranë.
