Një 60-vjeçar është vënë në pranga nga policia e Vlorës, pasi dyshohet se a ngacmuar seksualisht të bijën.
“Ndalohet shtetasi në kërkim Z.S., 60 vjeç, banues në fshatin Babicë e Madhe, Vlorë, pasi më datë 23 Qershor, dyshohet se në banesë ka ushtruar dhunë fizike dhe ka ngacmuar seksualisht vajzën e tij”, njoftoi policia. “Materialet iu referuan Prokurorisë Vlorë për veprime të mëtejshme”, shtuan të njëjtat burime.
Ndërkohë, burime pranë policisë lokale thanë për “BoldNews” se hetimet nisën pas kallëzimit të vajzës, e cila u ka deklaruar uniformave blu se, në 23 Qershor, i ati e ka dhunuar fizikisht dhe e ka ngacmuar seksualisht. Të njëjtat burime shtuan se vajza nuk ka deklaruar që ngacmimi seksual nga i ati të ketë qenë rast i përsëritur.
Pas kallëzimit, policia është vënë në lëvizje, duke shpallur në kërkim dhe arrestuar autorin e dyshuar të ngjarjes.
