Ministria e Shëndetësisë deklaroi sot konfirmimin e 78 rasteve të reja me Covid-19 gjatë 24 orëve të fundit, duke e çuar në 2192 numrin e të prekurve në total.
Nga këto, ditën e sotme 4 raste të reja janë në Vlorë, duke e çuar në 79 numrin e rasteve aktive. Referuar të dhënave, 3 prej rasteve në Vlorë janë në fasoneri.
Ndërkohë, një rast tjetër është konfirmuar në Drejtorinë e Shëndetit Publik në qytetin bregdetar.
Kujtojmë këtu se sot rekord me raste të reja mban Shkodra, ku janë konfirmuar 14 raste, duke ia kaluar kështu edhe Tiranës.
