Ndahet nga jeta profesori i njohur i Gjuhës Shqipe! Emri (Foto)

Është ndarë nga jeta profesori i shquar i Gjuhës Shqipe Ruzhdi Stringa, i cili për dy dekada dha kontributin e tij në mësimin e gjuhës shqipe në Kinë.

Lajmin e ndarjes nga jeta të profesorit e jep ambasadori i Shqipërisë në Kinë Selim Belortaja, i cili shkruan se dhimbjes së pangushëllueshme të fëmijve, familjes e të afërmve, kaq natyrshëm i bashkohet edhe hidhërimi i thellë i kolegëve e studentëve të tij kinezë që ai u mësoi gjuhën shqipe.

“Kush e njohu profesor Rudin, kush shkëmbeu qoftë edhe pak fjalë me të, kupton se pse sot dhimbjes së pangushëllueshme të fëmijve, familjes e të afërmve, kaq natyrshëm i bashkohet edhe hidhërimi i thellë i kolegëve e studentëve të tij kinezë në disa breza, i miqve e shokëve të tij të shumtë ne atdhe e ne Kinën e largët -ku ai per dy dekada, me dije e me shpirt kontribuoi që gjuha e kultura shqipe te vijnë aq bukur. Ngushëllime të ndjera familjes nga gjithë personeli i ambasadës në Pekin. Të qoftë e lehtë udha profesori dhe njeriu i mirë Ruzhdi Stringa”, shkruan ambasadori Belortaja dhe ndan fotot e mëposhtme.

LEXO EDHE  Furtunë në ambasadën shqiptare në Athinë, shkarkohet drejtuesja dhe stafi