Më shumë se 170 oficerë policie u angazhuan prej orës 06:00 të mëngjesit të sotëm për të goditur një grup kriminal, i specializuar në trafikun e qenieve njerëzore.
Operacioni u zhvillua në mbarë Berlinin, raportojnë mediat gjermane.
11 prona u bastisësn, ndërsa policia sekuestroi karta identiteti dhe pajisje të tjera për manipulimin e dokumenteve zyrtare. Gjithashtu policia sekuestroi edhe 100 mijë euro cash.
Një shqiptar 38-vjeçar u arrestua, bëri të ditur policia.
Objektivi kryesor i grupit ishin shqiptarët që vinin në Gjermani kryesisht si turistë me autobusë ose avionë.
Më pas aty pajiseshin me dokumente false dhe dërgoheshin për në Britaninë e Madhe.
